ΔΥΟ ΠΟΝΤΙΑΚΑ ΣΑΤΙΡΙΚΑ ΠΟΙΗΜΑΤΑ (ΠΡΙΝ ΑΠΟ ΛΙΓΟ)

ΑΜΑ ΚΕΝΑΙΣ ΟΚΝΕΑΝ ΟΛΕ ΘΑ ΗΝΤΑΝΕ ΜΑΝΕΑΝ Σάλμα οψέ εκλώσκουνταν δεκαπέντε σκυλία κι εγόμωσαν το κατωθιρ με τα λερά μαλλία. Ηλάζνε, δάκνε τι ανθρώπς τα λόματα τσερίζνε κανείς αδάκα δεν κι εφτάει που χέζνε και μυρίζνε. Ολ  τερούν που λάσκουνταν ση Κιλκίς τα σοχάχα κι ο Δήμαρχον τ’ εμέτερον τερεί αμόν τον χάχαν. Σκύλος τον σκύλον κι πειράζ κι ούτε τεμπέλς οκνέαν για τά το όλε θα ήντανε σαχτάρα και μανέαν. 26.6.19   01:00 Θ.Κ.

ΜΑΚΕΔΟΝΑΝ ΘΑ ΨΗΦΙΖΩ ΚΑΙ ΠΡΟΔΟΤΗΝ Θ’ ΑΦΟΡΙΖΩ Εμέν η μάναν είπε με δέβα γιαβρούμ και ψήφσον κι ατο οψε ντε νούνιζες δέβα πουλίμ και πείσον. Αέτς εγώ σα δεξά θα πάω και θα ψηφίζω κι ατοιντς εμέν πε πρόδωσαν α τώρα θ’ αφορίζω. . Έρθεν η ώρα και τ’ εμόν τ’ αίμαμ οπίς να παίρω και την Μακεδονίαν μουν οπίς εγώ να φέρω. Κανένα μη λογαράζετεν κανέναν μη ακούτε για τον τόπον τ’ εμέτερον να παίρετεν και κρούτεν. 26.6.19   01:10 Θ.Κ.